Сурхондарё вилоятидаги “Термиз” полигонида Ўзбекистон – Россия Қуролли Кучлари ҳамкорлигида қўшма ўқув ўтказилади. Шу мақсадда Россия Қуролли Кучлари Марказий ҳарбий округи ҳарбий хизматчилари Ўзбекистонга етиб келди. Бу ҳақда UzNews.uz’га Мудофаа вазирлиги Матбуот хизмати хабар берди.
Ҳамкорликдаги ўқув машғулотлари кеча, 30 июлдан бошланган.
Машғулотлар давомида икки давлат ҳарбийлари шартли душманнинг яширин базаларини қидириб топиш ва йўқ қилиш, улар томонидан эҳтимолий ҳужумлар амалга оширилганда, уни бартараф этиш каби вазифаларни бажаришади.
