Аввалроқ, Ўрта Чирчиқ тумани ободонлаштириш бошқармаси бошлиғи Асқар Турдиқулов мажбурий меҳнатга жалб қилганликда айблаган ходимини қўпол сўзлар билан ҳақорат қилгани ҳақида хабар бергандик.
Бандлик ва меҳнат муносабатлари вазирлиги Матбуот хизмати хабарига кўра, Асқар Турдиқулов томонидан мажбурий меҳнатга жалб этилганлиги ҳолати тасдиқланган ва унга нисбатан 19 май куни МЖтКнинг 49-моддаси билан баённома расмийлаштирилган.
26 май куни Меҳнат кодексининг 97-моддаси 1-қисмига асосан Aсқар Турдиқулов билан меҳнат шартномаси бекор қилинган.
Давлат меҳнат инспекцияси томонидан қонунга зид равишда ишдан бўшатилган ходимни ишга тиклаш бўйича бажарилиши мажбурий бўлган ёзма кўрсатма берилган.
