Кеча, 10 август куни соат 18:00 да Мўйноқ тумани “Орол” клуби стадионида футбол бўйича Қорақалпоғистон XXVIII чемпионатининг 8-турида “Мўйноқ Сити” ва Миллий гвардиянинг “Жайҳун” жамоалари учрашуви бўлиб ўтди.
Мўйноқ тумани ҳокимлиги Ахборот хизмати хабарига кўра, ўйин пайти икки жамоа ўртасида келишмовчилик келиб чиққан. Бунга 67-дақиқада “Мўйноқ Сити” вакили С. Мирзамуротов “Жайҳун” аъзоси А. Ережеповни йиқитиши сабаб бўлган.
Бунинг ортидан стадиондаги мухлислар ҳам ўз норозилигини билдириб, майдонга чиқишган.
ИИБ ва Миллий гвардия ходимлари томонидан вазият мураккаблашиши олди олинган. Ҳодисада жароҳатланганлар ёки шифохонага тушганлар йўқ.
