Олий ва ўрта махсус таълим вазирлиги Матбуот хизмати хабарига кўра, ОТМларнинг пандемия шароитида санитария-гигиена қоидаларига риоя қилган ҳолда таълим жараёнини анъанавий (офлайн) тарзда ташкил этиш бўйича тайёргарлик ҳолати ўрганилмоқда.
Ўрганишлар натижасига кўра, тегишли маълумотлар Вазирлар Маҳкамасига тақдим этилади. Олий таълим муассасаларида таълим жараёнини ташкил этиш бўйича якуний хулоса тасдиқлангандан сўнг, расмий тарзда эълон қилинади.
Вазирлик талабалардан санитария-гигиена қоидаларига қатъий риоя қилишларини, вакцинация жараёнида фаол иштирок этишларини сўраган.
