Фавқулодда вазиятлар вазирлиги қутқарувчилари бекат ҳудудида жойлашган ёнғин келиб чиққан дўконни ўчиришди.
Ҳодиса бугун, 7 ноябрь куни содир бўлди. Тошкент шаҳрининг Шайхонтоҳур тумани Фурқат кўчасида соат 09:46 да автобус бекати ҳудудида жойлашган дўкон ёниб кетди. Тошкент шаҳар Фавқулодда вазиятлар бошқармасининг ёнғин-қутқарув гуруҳи ёнғин бошланганидан 2 дақиқа ўтгач воқеа жойига етиб келишган.
Соат 09:56 да ёнғин тўлиқ ўчирилган. Ҳодисада қурбонлар ва жабрланганлар бўлмаган.
Ёнғин сабаби мутахассислар томонидан аниқланмоқда.
@UznewsSendBot мобил мухбири ҳодиса жойидан олинган видеони юборди.
