Давлат статистика қўмитаси маълумотларига кўра, 2020 йил 1 октябрь ҳолатига кўра, мобиль алоқа тизимига уланган абонентлар сони 24 млн. 824,3 мингтани ташкил этиб, 2019 йилнинг мос даврига нисбатан 6,9 % га ёки 1 млн. 598,1 мингтага ўсган.
Шу жумладан, аҳолида 23 млн. 363,0 мингта абонентни ташкил этиб, ўтган йилнинг мос даврига нисбатан 3,8 % га ёки 852,2 минг абонент сонига ошган.
Мобиль алоқа тизимига уланган энг кўп абонентларга эга бўлган ҳудудлар:
Тошкент шаҳри – 4,8 млн. абонент
Фарғона вилояти – 2,8 млн. абонент
Самарқанд вилояти – 2,3 млн. абонент
Андижон вилояти – 2,1 млн. абонент
Маълумот учун, Давлат статистика қўмитасининг уй хўжаликлари танлама кузатувлари маълумотларига кўра, 2020 йилнинг январь-сентабрь ҳолатига 100 та уй хўжалигига тўғри келадиган мобил телефонлар сони 285 тани ташкил этди.
2010 йилда ушбу кўрсаткич 145 тани, 2015 йилда 234 тани ташкил этган.
