Бугун, 11 ноябрь куни Тошкент шаҳрида Ўзбекистон Касаба уюшмалари федерациясининг Vlll қурултойи бўлиб ўтмоқда.
Касаба уюшмаларининг ижтимоий ҳамкорлари бўлган кўплаб вазирлик ва идораларнинг мутасаддилари, Қорақалпоғистон Республикаси Жўқорғи Кенгеси ва Вазирлар кенгаши раислари, вилоятлар ва Тошкент шаҳар ҳокимлари тадбирда делегат сифатида иштирок этмоқда.
Қурултойда Ўзбекистон Президенти Шавкат Мирзиёевнинг Ўзбекистон Касаба уюшмалари федерацияси Vlll қурултойи иштирокчиларига байрам табригини Ўзбекистон Бош вазири Абдулла Арипов ўқиб эшиттирди.
Давлат раҳбарининг Касаба уюшмалари федерацияси қурултойи иштирокчиларига йўллаган табригида 11 ноябрни «Касаба уюшмалари куни» деб белгилаш таклифи билдирилди.
