Қашқадарё вилояти ҳокимлиги “Qarshi City’даги кондиционерлар” бўйича ўрганиш олиб борган.
Маълум қилинишича, Qarshi City’да қурилаётган кўп қаватли уйларнинг деворига кондиционерларнинг расми ёпиштириб чиқилган.
Бундан кўзланган мақсад – уй эгалари кондиционерни шу жойга ўрнатса, дизайн ва хавфсизлик жиҳатидан қулай жойлашиши назарда тутилгани таъкидланган. Яъни, кимдир ташқи девордан, кимдир дераза ёнидан ва яна кимдир балкондан жойлаштирса, тартибсиз жойлашув дизайнга таъсир кўрсатмаслиги учун кондиционерга жой белгилаб кетилган.
Қайд этилишича, президентга ҳам бу бўйича маълумот тақдим этилган.
“Бу ерда ҳеч қандай кўзбўямачилик назарда тутилмаган”, - дейилади хабарда.
