Ижтимоий тармоқларда Чирчиқ шаҳрида фуқаро тан жароҳати олиши оқибатида вафот этанлиги ҳақида хабарлар тарқалди. Ҳолат юзасидан Тошкент вилояти ИИББ Ахборот хизмати маълумот берди.
Аниқланишича, жорий йилнинг 5 март куни Чирчиқ шаҳрида 2 нафар фуқаро М.К. ва Д.Х. ўртасида спиртли ичимлик олди-сотдиси устида жанжал юзага келиб, М.К.га оғир тан жароҳатлари етказилган. Тан жароҳати натижасида М.К. кейинчалик шифохонада вафот этган.
Мазкур ҳолат юзасидан, Жиноят кодексининг 104-моддаси, 3-қисми "д" банди (жабрланувчининг ўлишига сабаб бўлган қасддан баданга оғир шикаст етказиш) билан жиноят иши қўзғатилган.
Жорий йилнинг 7 март куни фуқаро Д.Х.га нисбатан айб эълон қилиниб, “қамоққа олиш“ тарзидаги эҳтиёт чораси қўлланилган.
