Тошкент шаҳар ҳокимлиги Матбуот хизматининг маълум қилишича, қурилиш-таъмирлаш ишлари олиб борилиши муносабати билан Олмазор туманидаги Қорасарой кўчасида транспорт воситалари ҳаракати вақтинча тўхтатилади.
Абдулла Қодирий кўчаси билан кесишган жойдан Нурафшон кўчаси билан кесишган жойгача ёпилади. Ишларни бажариш муддати 2025 йил 2 апрелдан бошлаб сентябрь ойига қадар давом этади.
Шаҳар ҳокимлиги вақтинчалик ноқулайликлар учун узр сўради ва ҳайдовчиларга муқобил йўналишлардан фойдаланиб, ўз йўлларини олдиндан режалаштириш тавсия этди.
