Жиззах вилояти Шароф Рашидов тумани ҳудудидан ўтган М39 йўлида йўл-транспорт ҳодисаси содир бўлди.
Ҳолат юзасидан вилоят ЙҲХБ Матбуот хизмати хабар қилди.
Маълум қилинишича, ушбу ЙТҲ жорий йилнинг 13 март куни соат 06:50 атрофида юз берган.
"Самарқанд-Тошкент" йўналишида ҳаракатланиб келаётган Matiz русумли автомобиль ҳайдовчиси руль бошқарувида ухлаб қолиши оқибатида йўлни иккига ажратиб турувчи бетон тўсиққа яъни қарама-қарши йўналишга ўтиб кетган.
Оқибатда юк автомобилига тўқнашиб кетган.
Аниқланишича, Matiz ҳайдовчиси олган оғир тан жароҳатлари оқибатида вафот этган.
