Ўзбекистон МТЖ ва "Манчестер Сити" ҳимоячиси Абдуқодир Ҳусанов янги Шенген визасини Греция орқали олгани сабабли "Манчестер Сити" клуби Испания чегарасида муаммо бўлмаслиги учун Ҳусановга алоҳида самолёт ажратди.
Бу самолёт Манчестер-Афина-Мадрид йўналишида парвозни амалга оширди. Шу сабабли Абдуқодир Ҳусанов жамоадан кейинроқ Мадридга етиб борди. Бу ҳақда футболчига яқин манба Нарзулла Сайдуллаев хабар берди.
Эслатиб ўтамиз, ЕЧЛ плей-офф босқичида "Манчестер Сити" Мадридда "Реал"га қарши жавоб учрашувини ўтказади. Ушбу учрашув Тошкент вақти билан соат 01:00 да бошланади.
