Вашингтонда вертолёт билан тўқнашувдан сўнг дарёга қулаган самолёт қулаган жойдан 40 дан ортиқ ҳалок бўлганларнинг жасадлари олиб чиқилди, деб хабар берди CNN телеканали манбаларга таяниб.
"CNN'нинг қутқарув ишлари жараёнидан хабардор бўлган кўплаб манбалардан олган маълумотларига кўра, пайшанба кунига қадар Потомак дарёсидан 40 дан ортиқ жасад олиб чиқилган," - дейилади хабарда.
Ҳуқуқ-тартибот идорасидаги манбанинг тушунтиришича, ғоввослик ишлари фақат кундуз куни ёруғликда амалга оширилади. Қутқарувчилар етиб бориш мумкин бўлган қурбонларнинг аксарияти аллақачон олиб чиқилган деб тахмин қилмоқда. Қолган жасадларни фюзеляж қуруқликка кўтарилганидан кейингина олиш мумкин бўлади.
Эслатиб ўтамиз, АҚШда йўловчи самолёт ҳарбий вертолёт билан тўқнашиб, дарёга қулагани ҳақида хабар берган эдик.
