Бугун, 23 январь куни Куала-Лумпурда U-17 Осиё кубогига қуръа ташлаш маросими бўлиб ўтди. Қуръада жамоалар 4 та саватчага ажратилган бўлиб, Ўзбекистон U-17 терма жамоаси 2-саватчадан ўрин олди.
Қуръа натижасига кўра, Ўзбекистон терма жамоаси Саудия Арабистони, Таиланд ва Хитой терма жамоалари билан "А" гуруҳдан ўрин олишди. Қуръа ташлаш якунларига кўра барча жамоалар ўз рақибларини билиб олишди.
Маълумот ўрнида, мазкур мусобақа Қатарда бўлиб ўтадиган 17 ёшгача футболчилар ўртасидаги ФИФА Жаҳон чемпионатига саралаш вазифасини ҳам ўтаб беради. Мусобақанинг энг яхши 8 та жамоаси 2025 йилги ўсмирлар ўртасидаги мундиалда иштирок этиш ҳуқуқини қўлга киритади.
