Жорий йилнинг 21 январь куни соат 09:40 атрофида Мирзо Улуғбек тумани Буюк Ипак йўли кўчасида ЙТҲ содир бўлди. Бу ҳақда Тошкент шаҳар ИИББ ЙҲХБ Ахборот хизмати хабар қилди.
Маълум бўлишича, 1965 йилда туғилган ҳайдовчи О.С. ГАЗ-32221 русумли автомашинасини бошқариб келаётиб, йўлнинг белгиланмаган жойидан кесиб ўтаётган 1993 йилда туғилган пиёда Д.Т.ни уриб юборган.
Сўнгра руль бошқарувини йўқотиб, З.З. бошқарувидаги BYD русумли автомашинасига тўқнашган. Тўқнашув зарбидан сўнг, BYD автомашинаси ҳайдовчи Р.Т. бошқарувидаги Matiz русумли автомашинаси билан тўқнашган.
Ушбу ЙТҲ оқибатида пиёда олган тан жароҳатлари натижасида воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан ЖКнинг 266-моддаси 2-қисми билан жиноят иши қўзғатилган.
Ҳозирда тергов давом этмоқда.
