Тошкентнинг "Пахтакор" клуби Ироқ терма жамоаси аъзоси Башар Ресан билан 1+1 кўринишида шартномага имзо чекди. Бу ҳақда "Пахтакор" клуби Матбуот хизмати маълум қилди.
27 ёшли фаолияти давомида Ироқнинг "Ал Қува Ал Жавия", Эроннинг "Персеполис", Қатарнинг "Қатар" СК ва "Маркия" клубларида ўйнаган.
Ироқ ва Эрон чемпиони бўлган Башар Ресан ОФК Кубогида ғолиб бўлиб, Осиё Чемпионлар Лигасида икки бор финалга чиққан. Ироқ терма жамоаси сафида 56 ўйинда 4 гол муаллифига айланган.
Маълумот ўрнида, Башар Ресан янги мураббий Педру Морейра бошчилигида "Пахтакор"нинг биринчи хариди бўлди.
