Кеча, 9 декабрь куни соат 23:45 да Олмаота - Тошкент автомобиль йўлининг 592 километрида Олмаотадан Нукусга кетаётган Yutong йўловчи автобуси бузилиб қолди. Бу ҳақда вилоят Фавқулодда вазиятлар департаменти Матбуот хизмати хабар берди.
ФВВ қутқарувчилари 41 нафар йўловчини эвакуация қилишди. Улардан 34 нафари Ўзбекистон фуқароси, 7 нафари эса Қозоғистон фуқароси бўлиб, улардан икки нафари болалар эди.
Эвакуацияга шахсий таркибдан 7 киши ва 2 та транспорт воситаси жалб қилинди. Йўловчилар Шакпак ота қишлоғидаги болалар санъат мактабига олиб борилди.
Тез ёрдам бригадаси 88 ёшли Ўзбекистон фуқаросини кўрикдан ўтказди. Эркакка тиббий ёрдам керак бўлмади. Ҳодиса оқибатида жабрланганлар йўқ.
"Йўловчиларни кейинги манзилга етказиш учун Олмаотадан янги автобус юборилди. 10 декабрь куни соат 07:00 да барча йўловчилар белгиланган манзилга йўл олишди," - дейилади хабарда.
