Таэквондо WT бўйича икки карра Олимпия ўйинлари чемпиони Улуғбек Рашитов жорий йил жаҳон миқёсида йилнинг энг яхши эркак таэквондочиси деб топилди. Соврин Гонконгда ўтаётган пумсе бўйича жаҳон чемпионати арафасида топширилди.
Ушбу номинация ғолиби бутун дунё бўйича овоз бериш йўли билан аниқланди.
Таъкидланишича, бу ўзбек таэквондочиларининг жаҳон миқёсида илк бор мана шундай нуфузли совринни қўлга киритиши бўлди.
"Шу пайтгача ҳеч бир ўзбекистонлик Бутунжаҳон таэквондо федерацияси томонидан бундай эътирофга сазовор бўлмаган эди",- деб ёзади Миллий Олимпия қўмитаси.
