Ўзгидромет хабарига кўра, бугун ва дам олиш кунлари Ўзбекистон ҳудуди бўйича ҳаво асосан бироз булутли бўлади, ёғингарчилик кутилмайди, фақат Сурхондарё вилоятида эртага 23 ноябрь куни баъзи жойларда бироз ёмғир ёғади.
Республиканинг айрим жойларига туман тушиши мумкин.
Ҳарорат кечалари 0...+5 даражагача, шимолда баъзи жойларда -3...-1 даража атрофида бўлади. Кундуз кунлари қуёш нурлари ҳавони +10...+15 даражагача иситади. Бундай ҳарорат ноябрь ойининг ушбу кунлари учун бўлган иқлим меъёрларига яқиндир.
Шарқий йўналишдаги шамол бироздан ўртача тезликкача эсади.
