Аввалроқ, Қашқадарёдаги "Тахтақорача" довонида Cobalt устига катта тош тушиб кетгани ҳақида хабар бергандик.
Қашқадарё вилояти ИИБ ЙҲХБ содир бўлган ЙТҲ юзасидан маълумот берди. Қайд этилишича, ҳодиса жорий йилнинг 11 ноябрь куни соат 15:45 ларда Китоб туман "Қайнар" МФЙ Қайнар қишлоғининг М-39 Тошкент-Термиз автомобиль йўли Тахтақорача довонининг 1137 километрида содир бўлган.
3 нафар фуқаро ичида бўлган Китоб туманидан Самарқанд шаҳри томон ҳаракатланиб кетаётган Cobalt автомашинаси устига тоғ тепалигидан сирпаниб тушган тош босиб қолган.
Ҳодиса натижасида 3 нафар фуқаро воқеа жойида вафот этган.
