Кеча, 31 октябрь куни соат 17:33 да Андижон вилояти Асака тумани “Нурафшон” маҳалласида жойлашган уйларнинг бирида уй эгасининг 2023 йилда туғилган қиз фарзанди эҳтиётсизлик ва назоратдан четда қолганлиги сабабли ҳовлисидаги ҳожатхонага тушиб кетганлиги тўғрисида ФВБга хабар тушган.
Зудлик билан айтилган манзилга қутқарувчилар етиб бориб, махсус қутқарув асбоб-анжомлари ёрдамида ҳожатхона чуқурлигидан қизалоқни олиб чиқиб, ҳаётини сақлаб қолди.
Шундан сўнг, малакали тиббий ёрдам кўрсатиш мақсадида шифохона юборилган. Ҳозирда қизалоқнинг аҳволи яхши ва шифокорлар назоратида.
