Махсус автоматлаштирилган фото- ва видео қайд этиш техника воситалари орқали қайд этилган йўл ҳаракати қоидалари бузилиши тўғрисидаги маълумот 48 соат ичида тегишли органга юборилмаса жавобгарлик бекор қилинади. Маъмурий жавобгарлик тўғрисидаги кодексга тегишли ўзгартиришлар киритилди.
Кодексда киритилган ўзгартиришларга мувофиқ, Ўзбекистон Маъмурий жавобгарлик тўғрисидаги кодекснинг 271-моддасига биноан, маъмурий ҳуқуқбузарлик тўғрисидаги иш қўзғатилиши мумкин эмас ва бошланган иш қуйидаги ҳолларда тугатилиши мумкин:
• фото ва видео қайд этишнинг махсус автоматлаштирилган техник воситаларида қайд этилган йўл ҳаракати қоидаларини бузганлик ҳолатларида транспорт воситасининг эгаси тўғрисида маълумотлар бўлмаса;
• махсус автоматлаштирилган фото- ва видео қайд этиш техника воситалари орқали қайд этилган йўл ҳаракати қоидалари бузилиши тўғрисидаги маълумот жарима солиш ҳақида қарор чиқаришга ваколатли бўлган шахсга 48 соат ичида юборилмаган тақдирда.
