Бугун, 7 октябрь куни соат 15:45да Қарши тумани “Дашт” МФЙ ҳудудидан ўтувчи “Ғузор-Қарши” автомобиль йўлида жойлашган автомобилларга суюлтирилган газ қуйиш шохобчасида “Камаз-512” русумли автомобилидан газ сақлаш ёмкостига газ қуйиш вақтида газ-ҳаво аралашмасининг чақнаши содир бўлган. Чақнаш натижасида ёнғин юзага келган.
Натижада 4 та ёнғин-қутқарув экипажи соат 15:56 да ҳодиса жойига етиб бориб, ёнғин соат 16:00 да ўраб олинган. Ёнғин соат 16:45 да ўчирилган.
Ёнғин оқибатида шаҳобча биносининг 22 кв.м майдонда том қисми ёниб зарарланган.
"Тан жароҳати олган ва вафот этганлар йўқ. Ҳозирда ёнғин сабаби ва моддий зарар миқдори аниқланмоқда",- дейилади хабарда.
