Бугун эрта тонгда Тошкент шаҳридаги марказий кўчалардан бирида Cobalt ва Nexia-3 иштирокида ЙТҲ содир бўлгани ва Nexia-3 ёниб кетгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ФВБ Матбуот хизмати маълумот берди.
Бугун, 5 октябрь куни соат 06:05 да Тошкент шаҳар Миробод тумани, Ойбек ва Шахрисабз кўчалари чоррахасида, йўл-транспорт ҳодисаси содир бўлиши натижасида, автомобилда ёнғин келиб чиққан.
Ёнғин-қутқарув теҳникалари воқеа содир бўлган жойга соат 06:11 да етиб бориб, ёнғин соат 06:12 да ўчирилган. Ёнғин оқибатида ҳалок бўлган ва жабрланганлар йўқ.
