Кеча Тошкентда йўловчи ташиш автобуси ва юк машинаси иштирокида ЙТҲ содир бўлгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ ЙҲХБ Матбуот хизмати маълумот берди.
Жорий йилнинг 3 октябрь куни соат 13:30 атрофида Мирзо Улуғбек тумани Темур Малик-Боғишамол кўчалари чорраҳасида ҳайдовчи 1985 йилда туғилган А.Р. бошқарувида бўлган YUTONG йўловчи ташиш автобуси ва ҳайдовчи 1973 йилда туғилган А.С. бошқарувида бўлган Камаз юк машинаси тўқнашиши оқибатида йўл-транспорт ҳодисаси содир бўлган.
Ушбу ЙТҲ натижасида тан жароҳат олганлар ҳақида ҳабар келиб тушмаган.
Мазкур ҳолат юзасидан Тошкент шаҳар ИИББ ЙҲХБ маъсул ходимлари томонидан суриштирув ишлари олиб борилмоқда.
