Ўзбекистон Европанинг Stadler компаниясидан иккита ҳаракатланувчи таркиб харид қилишни режалаштирмоқда. Бу ҳақда 30 сентябрь куни бўлиб ўтган Сенатнинг 58- ялпи мажлисида транспорт вазири Илҳом Маҳкамов хабар қилди.
Ваъзирнимг маълум қилишича, Ўзбекистон-2030" ривожланиш стратегиясида ҳар йили ҳаракат таркибларини янгилаш белгиланган.
"Купе, плацкарт йўналишида ва ўриндиқли ҳаракат таркибларини харид қилиш учун алоҳида дастур қилинган. Бунда Ўзбекистон бўйлаб 5 соатгача бўлган йўналишларда электропоездларни харид қилиш кўзда тутилган.
“Жорий йилда Хивага қадар темирйўл тизимини электрлаштириш якунига етказилади. У йўналишда харид қилинадиган Жанубий Кореянинг Hyundai Rotem ҳаракат таркиблари йўлга қўйилади. Бу, албатта, ҳамма талабларга жавоб берадиган ҳаракат таркиблари",- дейди транспорт вазири.
Бундан ташқари Европанинг Shtadler компаниясидан иккита ҳаракат таркиби харид қилинмоқда. Бу Ўзбекистон йўлларида ишлатилганидан сўнг, уни каттароқ кўламда сон жиҳатдан кўпроқ харид қилиш қарори қабул қилинади.
