Шавкат Мирзиёев 24 сентябрь куни профессионал таълимни ривожлантириш ва миллий малака тизимини ислоҳ қилиш бўйича таклифлар тақдимоти билан танишди.
Ҳозирги вақтда профессионал таълим тизими уч турдаги муассасалардан иборат: 333 та касб-ҳунар мактаби, 227 та техникум ва 112 та коллеж.
Касб-ҳунар мактаблари ва коллежлар қувватидан самарасиз фойдаланилаётгани, шу боис мамлакатимизда техникумлар тармоғи ташкил этилиши, 600 та шундай муассаса очилиши айтилди.
Оптималлаштириш натижасида таълим муассасасининг бўш турган биноси мактабга айлантирилади. 42 мингта янги ўқувчи ўрни яратилади.
Бундан ташқари, собиқ коллеж ва касб-ҳунар мактаблари Олий таълим, фан ва инновациялар вазирлигига ўтказилади.
