Ўзгидромет хабарига кўра, ушбу ҳафтанинг биринчи ярмида Ўзбекистон ҳудудининг катта қисмида қуруқ ва илиқ об-ҳаво сақланиб туради. Фақат 24-25 сентябрь кунлари Қорақалпоғистонда ва 25 сентябрда Хоразм вилоятининг баъзи жойларида ёмғир ёғади.
Ҳафтанинг иккинчи ярмида республика ҳудудига Каспий денгизи ҳудудларидан бироз салқин ва нисбатан нам ҳаво кириб келиши кутилмоқда.26-27 сентябрь кунлари Фарғона водийси вилоятларининг баъзи жойларида ёмғир ёғади.
Тошкент, Самарқанд, Жиззах, Сирдарё вилоятларининг айрим жойларида 26 сентябрда қисқа муддатли ёмғир ёғиши мумкин. Шарқий шамол йўналишини ўзгартириб, ғарбдан 7-12 м/с тезликда эсади, 24-25 сентябрда шимолда ва чўл ҳудудларда, 26 сентябрда республиканинг баъзи жойларида 13-18 м/с гача кучайиши, айрим жойларда чанг-тўзонлар билан кузатилиши мумкин.
Пойтахтда асосан ёғингарчиликсиз об-ҳаво кузатилади, фақат 26 сентябрда қисқа муддатли ёмғир ёғиши мумкин.Ҳарорат асосан кечалари +14... +17 даража, кундуз кунлари 23-25 сентябрда +28... +31 даража, 26-27 сентябрда +24... +27 даража бўлади. Шарқий шамол йўналишини ўзгартириб, ғарбдан 3-8 м/с тезликда эсади, 25-26 сентябрда 10-12 м/с гача кучайиши мумкин.
