Фарғона вилояти Ўзбекистон туманида Lacetti автомашинаси ҳайдовчиси йўлнинг қарама-қарши йўлга ўтиб кетиши оқибатида бошқа автомашина билан тўқнашиб ЙТҲ содир этгани акс этган видео ижтимоий тармоқларга сиздирилди. Ушбу ҳолат юзасидан Фарғона вилояти ИИБ ЙҲХБ Матбуот хизмати изоҳ берди.
Аниқланишича, 61 ёшли Lacetti ҳайдовчиси Ўзбекистон туманида ўзига тегишли бўлган автомашинани бошқариб келаётган вақтда соғлиғи ёмонлашиб қолгани сабабли йўлнинг қарама-қарши йўналишига ўтиб кетган. Бунинг натижасида йўлнинг қарама-қарши томонидан ўз йўналишида келаётган бошқа транспорт воситаси билан тўқнашиб кетиши оқибатида ЙТҲ содир бўлган.
Ушбу ЙТҲ натижасида Lacetti ҳайдовчиси воқеа жойида вафот этган. Ҳолат юзасидан суриштирув ишлари олиб борилмоқда.
