Жорий йилнинг 29 август куни соат 00:35 атрофида Тошкент вилояти Бўстонлиқ туманидаги ўрмон эр майдонларида ёнғин содир бўлгани акс этган видео ижтимоий тармоқларга сиздирилди. Ушбу ҳолат юзасидан ФВВ маълумот берди.
Ёнғин содир бўлган жойга 3 та ёнғин-қутқарув экипажлари, 30 нафар қутқарувчи ҳамда Бурчмулло ўрмон хўжалигидан 20 нафар ходим жалб қилинган.
Маълум бўлишича, ёнғин Бўстонлиқ тумани “Маърифат” МФЙ, Бурчмулло ўрмон хўжалигига қарашли ҳудудда 1,5 гектар майдонда қуруқ ўт ва шоҳ-шабба ёнган.
Олиб борилган саъй-ҳаракатлар натижасида ёнғин соат 01:50 да тўлиқ бартараф этилган. Ҳодиса оқибатида тан жароҳати олган ва ҳалок бўлганлар йўқ.
