“Ўзэнергоинспекция” Андижон вилояти ҳудудий бошқармаси томонидан газ таъминоти корхонаси билан ҳамкорликда Андижон вилоятида ўтказилаётган назорат тадбирларида табиий газдан ноқонуний фойдаланиш ҳолатлари аниқланмоқда.
Хусусан, Жалақудуқ туманида фаолият юритувчи “Ж.М.С.” МЧЖга қарашли автомобилларга газ тўлдириш компрессор шохобчаси газ ҳисоблагичининг камера қисмидаги ички деталлар давлат стандартлари талабларига номувофиқлиги ҳолати аниқланиб, таъминот корхонаси жами 4 млрд 78 млн сўмлик табиий газдан ноқонуний фойдаланганлиги аниқланди.
Қорасув шаҳрида жойлашган “Ш.Г.А.В.” МЧЖга қарашли автомобилларга газ тўлдириш компрессор шохобчаси газ ҳисоблагичининг камера қисмидаги ички деталлар давлат стандартлари талабларига номувофиқлиги ҳолати аниқланиб, таъминот корхонаси жами 4 млрд 843 млн сўмлик табиий газдан ноқонуний фойдаланганлиги аниқланган.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
