Андижонда сел келиши оқибатида оқиб кетган қирғизистонлик 39 ёшли аёлнинг жасади топилди. Бу ҳақда Қирғизистон Фавқулодда вазиятлар вазирлиги Матбуот хизмати хабар бермоқда.
14 июль куни Ўш вилояти ва Ўш шаҳрида кучли сел оқими содир бўлди. Табиий офат натижасида оқиб кетган аёлнинг жасадини Андижонда қутқарувчилар топган.
Маълум бўлишича, қирғизистонлик аёл Ўш шаҳрида оқиб кетган. Бунгача у бедарак йўқолган деб ҳисобланган.
Аввалроқ Андижонда бир аёл ва унинг уч қизининг жасади аллақачон топилган эди.
