Жорий йилнинг 6 июнь куни Ўзбекистондан қўшни мамлакатга чиқиб кетиш учун «Ғишткўприк» чегара божхона постига пиёда кириб келган фуқаро кўлидаги картон қути белгиланган тартибда божхона кўригидан ўтказилган. Бу ҳақда Тошкент вилояти божхона бошқармаси Матбуот хизмати хабар қилди. Натижада йўловчи божхона декларациясида ёзиб кўрсатилмаган ҳамда оғзаки сўровда айтилмаган «Калхат» номли қарчиғайсимонлар оиласига мансуб 2 дона тирик қушлар борлиги аниқланган.
Ҳозирда ушбу қушлар Тошкент ҳайвонот боғига топширилиб, ҳолат юзасидан божхона органлари томонидан суриштирув ҳаракатлари давом этмоқда.
