Аввалроқ, ижтимоий тармоқда Жиззахдаги далада бир эркакнинг жасади қотиллик аломатлари билан топилгани акс этган видео тарқалди.
Вилоят ИИБ хабарига кўра, ҳодиса Жиззах вилояти Фориш туманида содир бўлган. Шу тумандаги "Қорабдолота" маҳалла фуқаролар йиғинида яшовчи А.П. маҳалладоши С.Р. томонидан тош билан етказилган жароҳат оқибатида вафот этган.
Айбланувчига нисбатан Жиноят Кодексининг 104-моддаси (қасддан баданга оғир жароҳат етказиш) 3-қисми “д” банди билан жиноят иши қўзғатилган.
