UzNews.uz'нинг аэропорт хавфсизлик бошқармасидаги манбасига кўра, 12 май куни соат 15:40 да “Ислом Каримов” номидаги Тошкент халқаро аэропортида SU-1873-сонли “Тошкент-Москва” рейси орқали учиб кетадиган Россия фуқароси 1985 йилда туғилган М.А. ҳаво кемасида маст холда жамоат тартибини бузиб, йўловчилар тинчлигини бузган ва аэропорт ходимларини ҳақорат қилиб, ИИО ходимларининг қонуний талабини бажармаган.
Унга нисбатан Тошкент шаҳри аэропортида ХТБ ҲПБ инспекторлари томонидан МЖтКнинг 183 ва 194-моддаси 1-қисмларига асосан ҳужжатлар расмийлаштирилиб, Жиноят ишлари бўйича Тошкент шаҳар Сергели судига ҳужжатлар тақдим қилинган.
Суд қарори билан М.А.га нисбатан маъмурий қамоқ жазоси тайинланган.
