Олий Мажлис Қонунчилик палатасида бўлиб ўтган “Давлат ва жамият бошқарувида аёлларнинг ўрни ва мавқеини янада оширишнинг муҳим масалалари” мавзусидаги давра суҳбатида таъкидланишича, хотин-қизларга ҳар томонлама ёрдам кўрсатиб, қўллаб-қувватлайдиган яхлит тизим яратишга эҳтиёж бор.
“Давра суҳбатида иштирокчилар хотин-қизлар масалалари билан шуғулланадиган, уларга ҳар томонлама ёрдам кўрсатиб, қўллаб-қувватлайдиган, чуқур таҳлил юритадиган яхлит тизим яратиш эҳтиёжи сезилаётганлигини муҳокама қилдилар ҳамда хотин-қизлар масалалари бўйича агентлик ташкил этиш масаласини ўйлаб кўриш лозимлиги таъкидланди”, дейилади Олий Мажлис Қонунчилик палатаси ахборот хизмати хабарида.
