Чилонзор туманидан оқиб ўтувчи каналда 5 ёшли бола, унинг онаси ва ҳамда бир фуқаро оқиб кетди. Бу ҳақда “Овоза” информацион дастури орқали маълум қилинди.
Маълум қилинишича, ҳодиса 10 апрель куни содир бўлган. Болакай канал атрофида ўйнаб юрган вақтида сувга тушиб кетган. Онаси уни қутқармоқчи бўлиб, сувга ўзини ташлаган. Шу пайт атрофда бўлган бошқа бир фуқаро уларни қутқариш мақсадида сувга тушганида, сув оқимининг тезлиги сабаб уччаласи ҳам оқиб кетган.
Тошкент шаҳар ФВБ қутқарувчилари воқеа жойига келганида она ва боланинг жасади фуқаролар томонидан сувдан олиб чиқилгани маълум бўлган. Учинчи шахс эса сувга чўкиб кетган.
Ҳозирда мазкур фуқарони қидириш ишлари олиб борилмоқда.
“Ушбу фуқаронинг шахси ҳозирча номаълум. Яқинларидан ҳеч қандай маълумот келиб тушмади”, - дейди ФВБ ходими.
