Аввалроқ, ижтимоий тармоқларда Мирзо Улуғбек туманида содир бўлган йўл-транспорт ҳодисаси акс этган видеолар тарқалди. Ҳолат юзасидан Тошкент шаҳар ИИББ ЙҲХБ Ахборот хизмати расмий муносабат билдирди.
Жорий йилнинг 21 март куни соат 22:30 атрофида Мирзо Улуғбек тумани Дўрмон йўли кўчасида Captiva ҳамда Lacetti автомашиналари тўқнашуви оқибатида йўл-транспорт ҳодисаси юз берган.
Натижада Lacetti русумли автомашинанинг ҳайдовчиси ва 2 нафар йўловчиси турли даражадаги тан жароҳатлари олган. Таъкидланишича, ҳозирда улар шифокорлар назоратида.
«Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда»,- дейилади хабарда.
