Бугун, 25 январь куни соат 11:30 атрофида Яккасарой тумани Шота Руставели кўчасида йўл-траснпорт ҳодисаси содир бўлди. Мазкур ҳолат юзаисдан Тошкент шаҳар ИИББ ЙҲХБ Ахборот хизмати расмий муносабат билдирди.
Маълум бўлишича, 1976 йилда туғилган ҳайдовчи Ҳ.К. бошқарувида бўлган BMW русумли автомашинасида руль бошқарувини йўқотиб, ёритгич устунига тўқнашиб кетган.
ЙТҲ натижасида BMW автомашинаси ҳайдовчиси ҳамда 2 нафар йўловчилари енгил тан жароҳати олган.
Ҳозирда ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
