Аввалроқ, ижтимоий тармоқда Uzum Market омборхонасида ёнғин юзага келгани ҳақида хабарлар тарқалди. ФВВ мазкур хабарларга изоҳ берди.
Қайд этилишича, ёнғин Uzum Market омборхонасида содир бўлмаган. Бугун соат 17:16 да Бектемир тумани Порлоқ кўчасида жойлашган контейнер ичидаги қурилиш моллари ёнаётганлиги тўғрисида Тошкент шаҳар Фавқулодда вазиятлар бошқармасига хабар келиб тушган.
Ёнғинга 4 та ёнғин қутқарув экипажлари соат 17:27 да етиб бориб, соат 17:44 да ўраб олиниб, 17:54 да батамом ўчирилган.
"Ёнғин натижасида тан жароҳати олган ва вафот этган фуқаролар йўқ. Ёнғиннинг келиб чиқиш сабаби ва зарар миқдори аниқланмоқда", - дейилади хабарда.
"Uzum Market омборхонаси одатдагидек ишламоқда. Барча ҳодимларимиз ва сотувчиларимиз маҳсулотлари ҳафвсиз'', - дея хабар берди компания UzNews.uz’га.
