Бутунжаҳон таэквондо федерацияси (WТ) Париж-2024 Олимпиадаси учун лицензион рейтинг очколарини жамғариш даври якунлангани ва у орқали Олимпиада йўлланмасини қўлга киритган спортчилар номини эълон қилди.
Унга кўра, Ўзбекистон терма жамоаси аъзолари Улуғбек Рашитов (-68 кг) ва Светлана Осипова (+67 кг) Париж-2024 йўлланмаларига эга бўлишди, дея хабар бермоқда Миллий Олимпия қўмитаси Матбуот хизмати.
Қайд этиш жоиз, ўзбекистонлик спортчилар биринчи бор рейтинг орқали 2 та йўлланмага эга бўлишди. Шунингдек, қизлар ҳам илк маротаба тўғридан-тўғри Олимпиада иштирокчисига айланмоқда.
