Фаррух Турсунов Ўзбекистоннинг Испаниядаги фавқулодда ва мухтор элчиси этиб тайинланди. Бу ҳақда "Дунё" АА хабар берди.
Қайд этилишича, бугун, 7 декабрь куни Фаррух Турсунов Мадрид шаҳрига етиб борди.
2018 йилдан буён у ТИВнинг Стратегик таҳлил ва прогнозлаш бош бошқармаси, шунингдек, Йиғма ахборот-таҳлил департаментини бошқариб келаётган эди.
Фаррух Турсунов Мадриддаги дипломатик миссияга 2017 йилдан буён раҳбарлик қилиб келган Жаҳонгир Ғаниев ўрнига тайинланди.
