Veolia Energy Tashkent компанияси октябрь ойи охирида Тошкент шаҳридаги иссиқлик тармоқларини ўтказиш бўйича режалаштирилган ишларни якунлади шу билан бирга, иссиқлик тармоқларида фавқулодда вазиятлар юзага келганда уларни бартараф этиш бўйича ишлар режадан ташқари ва жойларда олиб борилишига аниқлик киритди. Бу ҳақда компания Матбуот хизмати хабар берди.
Шу муносабат билан 1 ноябрь куни Veolia Energy Tashkent компаниясида иссиқлик тармоқларида юзага келган авариявий носозликларни бартараф этиб, йўл қопламаларини ободонлаштириш ва тиклаш билан шуғулланувчи пудратчи ташкилотлар билан йиғилиш ўтказилди.
Унга кўра, ишлар (об-ҳаво шароитларини ҳисобга олган ҳолда) қуйидаги муддатларда бажарилиши кераклиги аниқланди:
— магистрал тармоқларда авариявий тиклаш ишлари тугаганидан кейин 24 соат;
— даҳалар ичидаги тармоқларда авария ҳолатини тиклаш ишлари тугагандан 3 кун ўтгач.
Мазкур келишувлар ишларни тезкорлик билан якунлаш, пиёдалар ва ҳайдовчилар учун ноқулайликларни минималлаштириш имконини беради.
