Ташқи ишлар вазири Бахтиёр Саидов Эроннинг Ўзбекистондаги янги элчиси Муҳаммад Али Искандарий билан учрашди. Бу ҳақда вазирлик Матбуот хизмати хабар берди.
“Муҳаммад Али Искандарий жанобларидан ишонч ёрлиқлари нусхаларини қабул қилишдан мамнунмиз. Ўзбекистон-Эрон ўзаро манфаатли ҳамкорлигини кенгайтириш бўйича икки мамлакат ташқи ишлар вазирликлари олдидаги устувор вазифаларни муҳокама қилдик. Жаноб Элчига мамлакатимиздаги фаолияти давомида муваффақиятлар тилаймиз”,- дейди Бахтиёр Саидов.
