Бош прокуратуранинг UzNews.uz'га маълум қилишича, жиноят иши доирасида икки нафар шахсга нисбатан Жиноят кодексининг 116-моддаси (касб юзасидан ўз вазифаларини лозим даражада бажармаслик) ва 117-моддаси (хавф остида қолдириш) билан айб эълон қилинган.
Эслатиб ўтамиз, жорий йилнинг март ойида таниқли блогер Фарҳод Маннопов бурнидан жароҳати сабабли StarМed клиникасида операция қилинган. Аммо, у жарроҳлик амалиётидан сўнг кома ҳолатига тушиб вафот этганди.
Шундан сўнг, июль ойида Зангиота туманлараро иқтисодий суди томонидан StarМed клиникасининг лицензияси бекор қилинганди.
