Санкт-Петербургда ҳуқуқ-тартибот идоралари ходимлари Ўзбекистондаги банк филиалларидан биридан пул ўғирлаганликда гумон қилинган шахсни қўлга олди. Бу ҳақда Россиянинг "Известия" нашри хабар берди.
Маълум бўлишича, 26 ёшли Ўзбекистон фуқароси ўз шериклари билан биргаликда 2021 йилнинг январь ойидан апрель ойига қадар 5 миллиард сўмга яқин пул ўғирлаган. Шундан сўнг у мамлакатдан Россия Федерациясига қочиб кетган.
Россия Федерациясида гумонланувчига нисбатан ЖКнинг 160-моддаси (гуруҳ томонидан ташкил этилган ва катта миқдордаги маблағларни ўзлаштириш) билан жиноий иш қўзғатилган.
