Бугун, 21 сентябрь куни Санитария-эпидемиологик осойишталик ва жамоат саломатлиги қўмитаси раиси ўринбосари Нурмат Атабеков иштирокида АОКАда овқатдан заҳарланиш ҳолатларини олдини олиш, мазкур йўналишда амалга оширилаётган ишларга бағишланган матбуот анжумани бўлиб ўтди.
Нурмат Атабековнинг айтишича, статистика маълумотларига кўра жорий йилнинг 8 ойи мобайнида 39 та ҳолатда гуруҳли касалланиш қайд этилган ҳамда ундан 414 нафар фуқаро жабрланган. Шулардан 86 нафари болалар. Жабрланганларнинг икки нафари заҳарланиш оқибатида ҳаётдан кўз юмган.
