Сенатнинг ўн иккинчи ялпи мажлисида сенаторлар Феруза Эшматова номзодини Олий Мажлис Инсон ҳуқуқлари бўйича вакили (омбудсман) лавозимига сайлади.
У бунга қадар Сенатнинг Хотин-қизлар ва гендер тенглик масалалари қўмитаси раиси эди. Унинг номзоди Қонунчилик палатаси депутатлари томонидан тавсия этилганди.
Эслатиб ўтамиз, бунга қадар Омбудсман сифатида Улуғбек Муҳаммадиев ишлаб келаётган эди.
Шунингдек, ялпи мажлисда Сенатнинг Хотин-қизлар ва гендер тенглик масалалари қўмитаси раиси лавозимига Малика Қодирхонова сайланди.
Малика Қодирхонова 2015 йилдан бошлаб “Тадбиркор аёл” уюшмасининг Тошкент вилояти бўлими раиси ишлаб келаётганди.
