Наманган вилояти ИИБ Ахборот хизматининг маълум қилишича, Наманган вилояти Наманган шаҳрида яшовчи 2006 йилда туғилган вояга етмаган қиз ИИБга ариза билан мурожаат қилган.
У Instagram ижтимоий тармоғида "Hello Namangan" профили орқали номаълум шахслар уни ҳақорат қилганлигини билдириб, чора кўрилишини сўраган.
Аниқланишича, 2005 йилда туғилган вояга етмаган йигит Instagram'да "Hello Namangan" профилини очиб, қизнинг суратига уятли сўзларни ёзиб, уни ҳақорат қилган.
Мазкур ҳолат юзасидан ЖКнинг 140-моддаси 2-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
