ИИВ ЙҲХХ Матбуот хизматининг хабарига кўра, жорий йилнинг 15 июль куни соат 03:30 ларда бухоролик 37 ёшли ҳайдовчи Nexia-3'да Кармана тумани ҳудудидан ўтган йўлда светофорнинг тақиқловчи чироғида ҳаракатланган ва Cobalt билан тўқнашган. Шундан сўнг, бошқарувни йўқотиб, шу атрофда жойлашган спиртли ичимликлар дўконига бориб урилган.
Қайд этилишича, мазкур ҳайдовчи ЙТҲ содир этишидан аввал ҳам Навоий шаҳар Алишер Навоий кўчаси бўйлаб ҳаракатланиш давомида бир нечта қўпол қоидабузарликлар содир этгани камераларга тушиб қолган.
ЙПХ инспекторлари томонидан ўтказилган текширув давомида ҳайдовчи маст ҳолатда экани аниқланган.
Мазкур ҳолат юзасидан тегишли ҳужжатлар расмийлаштирилиб, судга юборилган.
